Змітрок Бядуля (Самуіл Яфімавіч Плаўнік) нарадзіўся 23 красавіка 1886 года ў вёсцы Пасадзец Лагойскага раёна Мінскай вобласці ў сям’і арандатара.
Вучыўся ў пачатковай яўрэйскай школе – хедары, у школе рабінаў – ешыбоце. Працаваў хатнім настаўнікам, а з 1902 года канторшчыкам на лесараспрацоўках. У 1912 годзе быў запрошаны ў Вільню на сталую працу ў беларускія культурныя арганізацыі. Разам з Янкам Купалам працаваў у газеце “Наша ніва”.
Пасля Кастрычніцкай рэвалюцыі некалькі год працаваў у газеце “Савецкая Беларусь”, быў рэдактарам дзіцячага часопіса “Зоркі” і краязнаўчага “Наш край”. Уваходзіў у літаратурнае аб’яднанне “Маладняк”, пасля – ва “Узвышша”. На пачатку Вялікай Айчыннай вайны эвакуіраваўся з Беларусі.
Узнагароджаны ордэнам Працоўнага Чырвонага Сцяга.
